[新界東北科幻故事]
陳生: 老婆我返嚟啦~
陳太: 返嚟啦？
陳生: 係呀~講啲嘢比你知吖~我今日升職呀！我升咗做局長呀！
陳太: 係咩？恭喜晒喎~
陳生: 老婆你……你唔開心咩？
陳太: 唔係呀，開心……MMM……我都有啲嘢想同你講呀……
陳生: 吓……
陳太: 其實……我一直喺出面有個男人……
陳生: 吓……
陳太: 其實，連個仔都唔係你架。
陳生: 咩話？佢……廿幾歲啦喎，廿幾年你先同我講佢唔係我個仔？
陳太: 廿幾年，我一直都唔敢同你講。
陳生: 唔緊要嘅，最緊要我地而家一家人開開心心啫~
陳太: 我想帶個仔同佢親生爸爸一齊生活呀。
陳生: 佢親生爸爸係做咩架？
陳太: 佢係耕田架。
陳生: 哦，你鐘意田園生活啫~咁我喺新界東北買幅農地比你地咪得囉~我地唔洗分開住架？
陳太: 唔係咁呀。
陳生: 得架啦~
陳生: 以後哩一萬八千呎農地，就係你同仔仔架啦~
陳太: 佢唔係你個仔呀~
陳生: 唔好意思……係你個仔……
陳太: 你唔好做咁多嘢啦~冇用架！我地冇得發展落去架啦~
陳生: 我搞發展架嘛！點會冇得發展落去啫？
陳太: 唔係所有嘢都可以發展架！
陳生: 所有嘢都可以發展！我話嘅~
陳太: 唔得架！
陳生: 一定要得！
陳生: 你鐘意綠色生活，咁我地咪試下綠色生活囉~
陳太: 你仲過唔夠綠色生活咩？你睇下你頂帽咩色？你戴咗廿幾年，你仲未戴夠咩？
陳生: 我……我憎死班農夫！
陳太: 唔關其他人事，係我地根本冇得發展~~
陳生: 你話發展唔到吖嘛！我就偏要發展~
陳太: 你咁樣做係為咩啫～
陳生: 我唔止要令到你出面個男人失業，仲要冇得轉行，冇地方住！我仲要起滿豪宅！剷平所有綠色嘅地方，我最憎就係綠色！
記者: 你作為局長，明知要發展，又喺新界東北有咁多囤地，你覺唔覺得需要比公眾一個交代呢？
陳生: 嗰啲地，其實係屬於我老婆，同佢果邊嘅一啲屋企人。
記者: 唔係你個仔咩？
陳生: MMM……
今晚《集雜志》 full mixing version 扭蛋劇場
Search